გაკვეთილის გეგმა

გაკვეთილის მთავარი თემა	შოთა  რუსთაველი - ,,ანდერძი  ავთანდილისა ოდეს გაიპარა’’
საგანი/პედაგოგი	ქართული ენა  და  ლიტერატურა/ ლამზირი  ღლონტი
სწავლების საფეხური/კლასი	საბაზო/  მე-9 კლასი
მოსწავლეთა პროფილი	16 მოსწავლე/სსსმ მოსწავლე არ არის
გაკვეთილის მნიშვნელობა/აქტუალობა	·         გაკვეთილი ხელს შეუწყობს ტექსტის  გააზრებულ კითხვას. ·         კრიტიკული  აზროვნების  განვითარებას.
გაკვეთილის მიზანი და მისაღწევი შედეგები	·         ნაწარმოების  ტექსტის  მოსმენა  და აღქმა. ·         ტექსტის  ნაწილების ერთმანეთთან  ლოგიკურად  დაკავშირება. ·         ჯგუფური   ნამუშევრების  პრეზენტაცია. ტექსტში  არსებული  აფორიზმების  ამოკრება  და  ინტერპრეტაცია. ·         წაკითხული  ტექსტიდან  დასკვნების  გამოტანა ,თემისა  და  იდეის  განსაზღვრა.  თხზულების  დაწერა. ქართ. IX. 1. მოსწავლეს შეუძლია მოისმინოს და აუდიტორიის წინაშე წარმოადგინოს  სხვადასხვა თვალსაზრისი სადავო ან პრობლემურ საკითხზე. შედეგი თვალსაჩინოა, თუ მოსწავლე: ·         პრობლემურ საკითხებზე ზეპირი მოხსენების მომზადებისას ითვალისწინებს კონკრეტული აუდიტორიის სოციალურ-კულტურულ ინტერესებს, ცოდნას და ა.შ.; ·         მსჯელობისას იყენებს ციტატებს საინფორმაციო წყაროებიდან და მხატვრული ტექსტებიდან, სხვადასხვა ფაქტობრივ და სტატისტიკურ მონაცემებს და ა. შ.; ქართ. IX. 6. მოსწავლეს შეუძლია პრობლემურ ან სადავო საკითხებზე სხვადასხვა თვალსაზრისის შემცველი მხატვრული და არამხატვრული ტექსტების გააზრება-გაანალიზება და მათ მიმართ საკუთარი დამოკიდებულების გამოხატვა. შედეგი თვალსაჩინოა, თუ მოსწავლე: ·         კითხულობს სხვადასხვა სახის მხატვრულ და არამხატვრულ ტექტებს, უკეთ გასააზრებლად ყურადღებას ამახვილებს არა მხოლოდ ზოგად შინაარსზე, არამედ დეტალებსა და მნიშვნელოვან ნიუანსებზეც; ·         ახდენს სხვადასხვა სახის ტექსტში წარმოდგენილი მოვლენების, ფაქტების, პერსონაჟთა თვისებების, ქცევის, თვალსაზრისების შედარება-შეპირისპირებას; ·         შეაფასებს მხატვრულ ნაწარმოებში წარმოდგენილ კონფლიქტს/პრობლემას, ასევე ავტორის, მთხრობელის, პერსონაჟის ხედვას და პოზიციას ეპოქის ისტორიულ და კულტურულ კონტექსტში; ·         უკავშირებს წაკითხულ ტექსტში გადმოცემულ ან ნაგულისხმევ თვალსაზრისებს ცხოვრებისეულ გამოცდილებასა და სხვა ლიტერატურულ ნაწარმოებებს, მხატვრულ და სამეცნიერო-დოკუმენტურ ფილმებს, სპექტაკლებს და სხვ. ქართ. IX. 7. მოსწავლეს შეუძლია ენობრივ-გამომსახველობითი საშუალებების ცოდნის გამოყენება სხვადასხვა სახის ტექსტების ანალიზისას. შედეგი თვალსაჩინოა, თუ მოსწავლე: ·         ადარებს ერთმანეთს გამომსახველობით ხერხებს სხვადასხვა სახის ტექსტებში (მაგალითად, სტერეოტიპებს რეკლამებში და სიმბოლოებს მხატვრულ ტექსტებში); ქართ. IX. 8. მოსწავლეს შეუძლია კითხვის მიზნის შესაბამისი სტრატეგიების გამოყენება. შედეგი თვალსაჩინოა, თუ მოსწავლე: ·         ვრცელი ტექსტის კითხვისას ხელახლა გადაავლებს თვალს ამა თუ იმ ადგილს, აკეთებს ჩანაწერებს, გამოყოფს მნიშვნელოვან თვალსაზრისებს, ჩამოწერს კითხვებს ტექსტის უკეთ გასაგებად; ·         იყენებს სქემებს, დიაგრამებს, ცნებების განმარტებებს, აზრობრივ რუკებს ან სხვა საშუალებებს მნიშვნელოვანი ინფორმაციისა და იდეების გასააზრებლად და დასამუშავებლად; ქართ. IX. 9. მოსწავლეს შეუძლია სადავო ან პრობლემურ საკითხებზე საკუთარი თვალსაზრისის წერილობით გადმოცემა; მოცემულ საკითხზე განსხვავებული შეხედულებების შეჯამება. შედეგი თვალსაჩინოა, თუ მოსწავლე: ·         წერს თხზულებას კონკრეტული თემის ან საკითხის შესახებ, რომელშიც აანალიზებს განსახილველ საკითხთან დაკავშირებულ ალტერნატიულ შეხედულებებს; ·         განიხილავს მხატვრულ ტექსტში გამოკვეთილ იდეებსა და პრობლემებს ცხოვრებისეულ და ლიტერატურულ გამოცდილებაზე დაყრდნობით;
წინარე ცოდნა	·         მოსწავლეები  დაწყებითი  კლასიდანვე  ეცნობიან  შ.რუსთაველის  ბიოგრაფიულ  ცნობებს  , „ ვეფხისტყაოსნის’’  მნიშვნელოვან ეპიზოდებს. ·         სწავლობენ  აფორიზმებს.
შეფასების საგანი და პროცედურები	მოსწავლეებს  ვაფასებ  განმავითარებელი  შეფასებით.
გამოყენებული სასწავლო მასალა და ტექნიკური რესურსები	მე-9 კლასის  სახელმძღვანელო. ავტორთა  ჯგუფი  ვ. როდონაიას  ხელმძღვანელობით , ფოტომასალა , ვიდეომასალა , კომპიუტერი , ინტერნეტი ,დაფა,ცარცი.
გაკვეთილის მსვლელობა და მენეჯმენტი	გაკვეთილის  A ფაზა -გამოწვევა აქტივობა  1. მისალმება . კლასის ორგანიზაცია 2 წუთი. აქტივობა 2.  კითხვისათვის  მზადება--5 წუთი.  ტექსტის  კითხვის  დაწყებამდე - „ გონებრივი  იერიშით’’  მოსწავლეებს კითხვებით     მოვაგონებ  ნასწავლ  მასალას,როგორც  ბიოგრაფიულს,  ისე  „ვეფხისტყაოსნის’’ ტექსტის  ეპიზოდებს.  (ვიყენებ  ვიდეო  და  ფოტომასალას)   შემდეგ  „მინი ლექციით ‘’  მოვუთხრობ დამატებით  ბიოგრაფიულ  ცნობებს  და ტექსტიდან  დასაწყისს,  ვიდრე  „ანდერძამდე“ . ამით მოსწავლეები შეავსებენ საკუთარ ცოდნას. გავახსენებ, რა არის  ანდერძი ? რატომ და რისთვის  წერენ  ადამიანები  ანდერძს ?  გაკვეთილის  B ფაზა - ცოდნის კონსტრუირება. ამ ეტაპზე  ვიწყებ  შინაარსის  რეალიზებას  „კომენტირებული კითხვით ‘’ . აქტივობა  3. ტექსტის კითხვა  20 წთ.    ვიყენებ „ კომენტირებული კითხვის ‘’ მეთოდს. (გაუებარ  სიტყვებს ვწერ  დაფაზე ) ხოლო  ფრაზებს ვუკეთებ  განმარტებას .  შემდეგ  მოსწავლეები  აგრძელებენ  კითხვას . საჭირო შემთხვევაში კვლავ  ვეხმარები  პერიფრაზირებით.  ვსვამ კითხვებს   ტექსტის  უკეთ  აღქმისთვისთვის.  კითხვის დასრულების   შემდეგ  ვაძლევ რამდენიმე შეკითხვას : -რით  მოგეწონათ  წაკითხული ეპიზოდი ?  -იყო თუ   არა  საჭირო  ავთანდილის  გაპარვა? -რატომ  უწოდა  ამ  წერილს  ანდერძი ?   გაკვეთილის C ფაზა რეფლექსია აქტივობა 4. წაკითხულის  გაზიარება 10 წუთი. კლასს   ვყოფ  ორ   ჯგუფად  .  პირველ  ჯგუფს  ვავალებ  ამოწერონ  წაკითხულიდან  აფორიზმები  და თითოეულს   გაუკეთონ  ინტერპრეტაცია   მეორე  ჯგუფს -  ამოიწერონ ტექსტიდან  სტრიქონები , რომელიც  შეიცავს  ანდერძის  ელემენტებს.    გაუკეთონ  პრეზენტაცია . აქტივობა 5.  შეჯამება 5 წთ.    კითხვები  :  - სად ხდება  ტექსტში   აღწერილი  მოქმედება? -ვინ  არიან  ეპიზოდის  გმირები? - რას მიიჩნევს  ავთანდილი  წასვლის  მთავარ  მიზეზად ? - როგორ  აფასებს  ავანდილი  სიყვარულის  ძალას  ?  (უპასუხეთ  ლექსით).   აქტივობა  6.  თემისა  და იდეის  განსაზღვრა  აქტივობა  7.  შეფასება  განმავითარებელი.  3 წთ.    აქტივობა  8.  საშინაო  დავალების  მიცემა . 2 წთ. დაწერეთ  თხზულება:  „მოხუცის  ანდერძი ‘’.